Улады Шатландыі плануюць правесці новы рэферэндум аб незалежнасці

Другі рэферэндум павінен адбыцца да траўня 2021 года.

Кіраўніца ўрада Шатландыі Нікола Стэрджэн заявіла, што, паводле звестак апытанняў, большасць жыхароў выступаюць за правядзенне другога рэферэндуму пра незалежнасць, паведамляе РБК са спасылкай на Sky News.

З яе слоў, другі рэферэндум павінен адбыцца да траўня 2021 года. «Выбар паміж Brexit і будучым Шатландыі як незалежнай еўрапейскай нацыі павінен быць прапанаваны падчас працы цяперашняга складу парламента», - сказала яна.

Стэрджэн дадала, што закон, які будзе рэгуляваць правядзенне маючага адбыцца рэферэндуму, плануецца прыняць да канца 2019 года.

Раней у красавіку ЕЗ і Вялікабрытанія ўзгаднілі перанос крайняга тэрміну Brexit на 31 кастрычніка. Пры гэтым у выпадку, калі пагадненне не будзе ратыфікаванае да 22 траўня, Лондану давядзецца ўдзельнічаць у выбарах у Еўрапарламент. У выпадку невыканання гэтых абавязанняў Вялікабрытанія павінна будзе пакінуць ЕЗ 1 чэрвеня.

Паводле вынікаў рэферэндуму ў Шатландыі, які адбыўся ў 2014 годзе, 55% яе жыхароў выказаліся супраць незалежнасці ад Вялікабрытаніі. За аддзяленне ад Злучанага Каралеўства прагаласавалі больш за 1 млн 176 тысяч жыхароў, супраць – больш за 1 млн 397 тысяч чалавек.