Амерыканскія індэксы дасягнулі гістарычных пікаў

Індэкс Dow Jones вырас на 0,55 адсотка, S&P 500 - на 0,88 адсотка.

Індэксы S&P 500 і Nasdaq спыніліся ў аўторак на рэкордных максімумах, бо квартальныя справаздачы шэрагу кампаній выявіліся лепшымі за чаканыя, знізіўшы асцярогі аб запаволенні росту прыбытку, піша «УНІАН».

Індэкс Dow Jones вырас на 0,55 адсотка да 26 656,39 пункта, S&P 500 - на 0,88 адсотка да 2 933,68 пункта, Nasdaq Composite - на 1,32 адсотка да 8 120,82 пункта, піша Рэйтэр.

Прыбытак кампаній S&P 500, як чакаецца, знізіўся на 1,3 адсотка ў першым квартале, што, са слоў аналітыкаў, можа стаць першым зніжэннем прыбытку з 2016 года. Аднак з пачатку красавіка прагнозы значна палепшыліся.

Сектар аховы здароўя S&P вырас на 1,6 адсотка. Цягам апошніх двух тыдняў сектар знізіўся на 6,7 адсотка праз боязь з нагоды палітыкі ў ЗША.

Сектар асноўных спажывецкіх тавараў спыніўся на мінусе на фоне ўзмацнення апетыту інвестараў да рызыкі. Энэргетычны сектар і сектар камунальных паслуг таксама паказалі горшую дынаміку за асноўныя сектары.

Акцыі Amazon.com Inc выраслі на 2,2 адсоткі, забяспечыўшы найбольшую падтрымку для індэксаў S&P 500 і Nasdaq.

Акцыі Twitter выраслі на 15,6 адсотка пасля таго, як кампанія дала справаздачу аб прыбытку, які перавысіў прагнозы, і нечаканым павелічэнні колькасці актыўных карыстальнікаў штомесяц.