Пад Адміністрацыяй прэзідэнта Украіны прайшла акцыя «Дзякую, Пятру!»

Украінцы сабраліся, каб падзякаваць Пятру Парашэнку за праведзеныя рэформы.

У панядзелак, 22 красавіка, у Кіеве пад Адміністрацыяй прэзідэнта Украіны праходзіць акцыя «Дзякую, Пятру!» у знак падзякі за рэформы, праведзеныя Пятром Парашэнкам на працягу знаходжання на пасадзе кіраўніка дзяржавы. Пра гэта паведамляе РБК-Украина.

Паводле стана на 19:05 каля будынку Адміністрацыі прэзідэнта сабралася больш за 2 тысячы чалавек, і людзі працягваюць падыходзіць. Супрацоўнікі Адміністрацыі адкрылі браму, і ўсе ахвочыя змаглі падысці непасрэдна да будынка АП.

Многія людзі прынеслі з сабой дзяржаўныя сцягі Украіны, плакаты з надпісам «Дзякуй». Час ад часу людзі скандуюць пад будынкам «Парашэнка!», «Дзякуй», «Найлепшы».

Пятро Парашэнка падзякаваў усім прысутным.

«Пяць гадоў таму на вуліцы Банкавай я падняў гэтыя сцягі. Гэта сцягі Украіны і Еўрапейскага звязу», - заявіў Пятро Парашэнка.

«Сябры, самыя найлепшыя - гэта вы. Я шчаслівы і ганаруся нашай сённяшняй сустрэчай. Вы з'яўляецеся лепшай часткай нашай каманды. За пяць гадоў мы зрабілі больш, чым хто-небудзь за чвэрць стагоддзя. Гэта наша заслуга», - сказаў Парашэнка.

Таксама кіраўнік дзяржавы адзначыў, што ўсе заслугі падчас яго прэзідэнцтва будуць абароненыя.

«Мы не дамо ім знішчыць наша войска, нашу мову, мы не дамо знішчыць дэцэнтралізацыю, інклюзіўную адукацыю, якую заснавала першая лэдзі», - заявіў Парашэнка.

Таксама Пятро Парашэнка паабяцаў, што пойдзе на парламенцкія выбары. Акрамя таго, кіраўнік дзяржавы падзякаваў за флэшмоб.

«Дзякуй за гэты флэшмоб, які ўчора так мне быў патрэбны. Столькі пазітыву, які я ўчора прачытаў пра сябе ў Facebook, я не чытаў даўно. Гэта было тое, у чым я меў патрэбу. Калі я адчуваю такое адзінства, такую веру ў нашы будучыя дасягненні, я цвёрда перакананы - такую каманду ніхто не адолее», - заявіў Парашэнка.

Адзначым, што акцыя «Дзякую, Пятру!» была арганізавана 21 красавіка актывісты Святаславам Ботавым у Facebook.