Украінскі народны дэпутат Ігар Гузь: Беларусы, пара прачынацца
5- 22.04.2019, 15:07
- 28,221
Лукашэнка даўным-даўно павінен быў быць адхілены ад улады.
Пра гэта сайту Charter97.org заявіў народны дэпутат Вярхоўнай Рады Украіны Ігар Гузь у каментары вынікаў прэзідэнцкіх выбараў ва Украіне:
- Абранне Уладзіміра Зяленскага прэзідэнтам паказала, што людзі ва Украіне хочуць перамен. Яго абралі, як процівагу Пятру Парашэнку. Для ўкраінцаў Зяленскі - гэта надзея.
- Дарэчы, Уладзімір Зяленскі ў каментары ўчора вынікаў Нацыянальнага экзіт-полу заявіў: «Як грамадзянін Украіны магу сказаць краінам былога СССР - паглядзіце на нас - усё магчымае». На ваш погляд, што азначаюць яго словы?
- У першую чаргу, на мой погляд, ягоны зварот тычыцца Расеі ды Беларусі. За 25 гадоў пасля развалу СССР практычна ва ўсіх краінах адбылася змена ўлады. У Беларусі ж прадаўжае кіраваць дыктатар. Думаю, што вы можаце ўспрымаць словы Уладзіміра Зяленскага, як зварот да вас.
- Беларусы праявілі вельмі вялікую цікавасць да выбараў ва Украіне. Мы сачылі і па-добраму вам зайздросцілі. Можа, вы хочаце нешта пажадаць беларусам?
- Час прачынацца! Вы самі павінны развязваць свае праблемы і вяршыць гісторыю. Я мяркую, што ўжо даўным-даўно Лукашэнка павінен быў быць адхілены, тым ці іншым спосабам, ад улады.
Я вельмі б хацеў, каб у Беларусі памянялася ўлада. Паглядзіце, ва Украіне гэта магчыма, тым больш цяпер дзейны прэзідэнт будзе ў апазіцыі і гэта нармальна.