Беларусы ўразілі сябраў журы папулярнага брытанскага шоў

Брытанскае ТВ паказала нумар кідальніка нажоў з Беларусі.

Брытанскі канал ITV паказаў 20 красавіка адборачны тур тэлешоў Britain's Got Talent, у якім выступілі кідальнік нажоў з Беларусі Андрэй Гоманаў і яго партнёрка Дар'я Шарамет, паведамляе belmir.by.

Прадстаўляючы сябе, нашы суайчыннікі растлумачылі, што пазнаёміліся яшчэ да падрыхтоўкі нумару з нажамі, калі разам танцавалі: і ён, і яна - прафесійныя танцоры.

Пасля кароткага прадстаўлення рушыла ўслед дзейства, якое прымусіла многіх гледачоў у студыі заплюшчыць вочы ці адвярнуцца.

Спачатку Андрэй з далёкай адлегласці кінуў 4 сякеры ў сцяну побач з Дар'яй, якая стаіць ля яе. Для гэтага ён узлез прама на стол, за якім сядзелі сябры журы конкурсу.

Затым, ужо з больш кароткай дыстанцыі, артыст кінуў 8 нажоў у кола, што круцілася з асістэнткай, закрытай яшчэ і белым папяровым экранам.

Пасля гэтага адзін з сябраў журы - заснавальнік Britain's Got Talent, мультымільянер ад шоў-бізнэсу Сайман Коуэл - падахвоціўся таксама выступіць у якасці мішэні.

Ён стаў каля сцяны замест Дар'і, і атрымаў добрую порцыю адрэналіну, калі Андрэй уваткнуў 8 нажоў побач з яго галавой і целам.

Уражаны тым, што ўбачыў і адчуў, Коуэл першы сказаў дуэту «так». Услед за ім без ваганняў зрабілі гэта трое астатніх суддзяў.

Нумар Гоманава і Шарамет паказваўся ў эфіры з папярэджаннем: «Трукі выконваюць прафесіяналы. Не спрабуйце паўтарыць гэта дома!»