Папа Рымскі Францыск асудзіў напад у Шры-Ланцы

Пантыфік выказаў салідарнасць з хрысціянскай супольнасцю Шры-Ланкі.

Папа Рымскі Францыск асудзіў напад на тры царквы і чатыры гатэлі ў Шры-Ланцы, ахвярамі якіх сталі не менш за 138 чалавек. Пантыфік назваў гэтыя напады жорсткім гвалтам і выказаў сваю салідарнасць з хрысціянскай супольнасцю Шры-Ланкі, якая сёння адзначае Вялікдзень.

Усяго праз гадзіну пасля навіны пра папярэдні выбух, паступіла паведамленне яшчэ аб адным выбуху. Сусветныя СМІ пішуць, што гаворка ідзе «прынамсі, пра восем выбухах» у Каломба і іншых гарадах краіны.

Раней паведамлялася, што колькасць загінулых у выніку шасці выбухаў у храмах і гатэлях Шры-Ланкі перавысіла 180, каля пяцісот чалавек атрымалі раненні, паведаміў тэлеканал News 1st.

Прэс-служба прэзідэнта Шры-Ланкі абвясціла, што кіраўнік дзяржавы ўвёў каменданцкую гадзіну на ўсёй тэрыторыі краіны на найбліжэйшыя 12 гадзін. Велікодныя набажэнствы скасаваныя.