Сярэдні заробак у Польшчы - $1356
22- 20.04.2019, 19:22
- 33,979
У краіне-суседцы Беларусі стабільна расце сярэдні заробак.
Сярэдні заробак на польскіх прадпрыемствах, дзе працуюць больш за 9 чалавек, у сакавіку гэтага года павялічыўся да 5164 злотых без выліку падаткаў (блізу 1230 еўраў).
Як паведамляе «Радыё Польшча», пра гэта сведчаць звесткі Галоўнай статыстычнай управы. Гэта на 5,7% больш, чым у аналагічны перыяд мінулага года.
У кампаніях вышэйпаказанага тыпу ў мінулым месяцы было занята блізу 6,4 млн чалавек, што на 3% больш, чым у мінулым годзе.
Агулам са студзеня да сакавіка гэтага года сярэдні заробак у параўнанні з аналагічным перыядам 2018 года павялічыўся на 6,7%, а занятасць - на 3,1%.