Экс-прэзідэнт Перу, які скончыў жыццё самагубствам, пакінуў перадсмяротную запіску

Алан Гарсія адхіліў абвінавачванні ў карупцыі.

Былы прэзідэнт Перу Алан Гарсія, які скончыў жыццё самагубствам, у сваёй перадсмяротнай запісцы напісаў, што не вінаваты ў карупцыі, паведамляе korrespondent.net са спасылкай на El Tiempo.

Экс-прэзідэнт Гарсія паведаміў, што не браў хабару. «Праз свае памылкі ў кіраванні краінай нашы апаненты абралі стратэгію крыміналізацыі майго імя. Але яны нічога не знайшлі, і я зноў перамог іх, таму што яны ніколі не знойдуць нічога, акрамя ўласных спекуляцый і расчараванняў. Не было ні рахункаў, ні хабараў, ні багацця», - напісаў ён.

Гарсія таксама дадаў, што яго смерць з'яўляецца «знакам пагарды да праціўнікаў». «Я ўжо выканаў місію, якую сам сабе паставіў», - падкрэсліў ён.

Нагадаем, 69-гадовы Гарсія памёр 17 красавіка ў шпіталі Лімы пасля спробы самагубства. Ён стрэліў у сябе, калі яго паспрабавалі затрымаць паліцэйскія паводле абвінавачванняў у карупцыі.