Ва Украіне паказалі, як рыхтуюць да новых выпрабаванняў комплекс крылатых ракет «Нептун»
6- 19.04.2019, 17:18
- 11,808
Гэты комплекс можа знішчаць як марскія, так і наземныя цэлі.
Ва Украіне рыхтуюць да новых выпрабаванняў мабільны комплекс крылатых ракет «Нептун».
Са слоў сакратара Рады нацыянальнай бяспекі і абароны Украіны Аляксандра Турчынава, гэты комплекс можа знішчаць як марскія, так і наземныя цэлі.
«Пасля заканчэння ўсіх выпрабаванняў і прыняцця на ўзбраенне «Нептун» павінен стаць адным з галоўных ударных комплексаў, забяспечыць абарону ўзбярэжжа Чорнага і Азоўскага мораў», - дадаў ён.
Наступны этап выпрабаванняў запланаваны на травень 2019 года, паведаміла прэс-служба Турчынава.
Аб паспяховым этапе выпрабаванняў «Нептуна» прэс-служба РНБА паведамляла 5 красавіка.