Расейскага пісьменніка Дзмітрыя Быкава шпіталізавалі ва Уфе
10- 17.04.2019, 11:59
- 15,592
Публіцыст павінен быў выступіць з лекцыяй.
Пісьменніка Дзмітрыя Быкава шпіталізавалі ў адну з лякарняў Уфы з падазрэннем на інсульт, піша «Комсомольская правда-Уфа» са спасылкай на крыніцу, паведамляе РБК.
«Цяпер ён у коме, дакладнага дыягназу пакуль няма, але даставілі яго з падазрэннем на інсульт», - заявіў суразмоўца выдання.
Гэтую інфармацыю таксама пацвердзіла крыніца выдання «Уфа1.ру».
Жонка Дзмітрыя Быкава Ірына Лук'янава не стала каментаваць інфармацыю аб шпіталізацыі пісьменніка. «Нічога не скажу, каментароў не даю», - сказала яна.
На сайце лекторыя «Простая мова» паведамляецца пра перанос дзвюх лекцый Быкава, якія былі запланаваны на 17 і 21 красавіка.