Літва заплаціць кожнаму жыхару за адмову ад старога аўто

Такую пастанову агучыць міністр навакольнага асяроддзя Літвы.

Міністр навакольнага асяроддзя Літвы Кястуціс Мажэйка ў чацвер, 11 красавіка, паведаміў, што пасля зацвярджэння плана скарачэння забруджвальных выкідаў можна будзе выплачваць жыхарам за адмову ад старога аўтамабіля тысячу еўра ў якасці заахвочвання пакупкі новага аўтамабіля, піша delfi.lt.

«Трэба дапамагчы людзям адмовіцца, і мы ўважаем, што гэта лічба для матывацыі павінна быць блізу тысячы еўраў, пры адмове ад старога аўтамабіля і набыцці новага», - сказаў міністр у інтэрв'ю радыёстанцыі Ziniu radijas.

У разгледжаных Кабінетам Літвы ў сераду захадаў скарачэння забруджвальных выкідаў на такое фінансавае заахвочванне прадугледжана вылучыць з дзяржбюджэту 30 млн еўраў.

Жыхары, якія адмовіліся ад старых аўтамабіляў, таксама змогуць атрымаць льготы на грамадскі транспарт.

Самакіраванням, якія набылі сродкі грамадскага транспарту, якія працуюць на прыродным газе, вадародзе, таксама будзе выдзелена па 30 млн еўраў.

Самакіраванням пяці найбуйнейшых гарадоў і курортаў, якія ўкаранілі сістэмы, што абмяжоўваюць рух транспартных сродкаў, што працуюць на дызельным паліве, намячаецца вылучыць заахвочванне сумаю 20 млн еўраў.

Фінансавую дапамогу таксама плануецца даць жыхарам, якія заменяць ацяпленне дровамі на цеплавыя помпы або падключацца да сістэм цэнтралізаванага ацяплення.

Намячаецца павышэнне тарыфу акцызу на каменны вугаль, кокс, буры вугаль, якія выкарыстоўваюцца ў вытворчасці цеплавой электраэнэргіі.

Міністр экалогіі адзначыў, што праз год ці два ўрад зможа ацаніць, ці апраўдалі гэтыя захады скарачэнне забруджвальных выкідаў у атмасферу.