Навуковец распавёў, як уплывае на арганізм пераход з зімовага на летні час

Еўрапейскія краіны ў ноч на нядзелю перавядуць стрэлкі гадзінніка на летні час.

Чалавечы арганізм практычна не адчувае пераводу гадзінніка на летні і зімовы час, яго ўплыў на нервовую сістэму нязначны, распавёў ria.ru нейрабіёлаг з Адкрытага ўніверсітэта Каталоніі Дыега Рэдалар.

Еўрапейскія краіны ў ноч на нядзелю перавядуць стрэлкі гадзіннікаў на летні час. Еўрапарламент раней дазволіў краінам ЕЗ самастойна прымаць рашэнне аб пераходзе на сезонны час з 2021 года.

«Для нашай нервовай сістэмы перавод стрэлак на гадзіну наперад ці назад мае вельмі нязначныя наступствы. Аднаго дня, нядзелі, цалкам дастаткова, каб уся сістэма адаптаваліся да іншага светлавога дня. Калі з эканамічнага або сацыяльнага пункту гледжання выгадна пераводзіць гадзіннікі, то з пункту гледжання здароўя для гэтага няма ніякіх перашкод», - кажа Рэдалар.

Зрэшты, ёсць тыя, каму да новага часу адаптавацца трохі складаней - дзеці і людзі сталага ўзросту.

«Ёсць і нейкія індывідуальныя асаблівасці. Напрыклад, людзям трэба для сну вельмі розны час. Многія лічаць, што ў сярэднім сем-восем гадзін. Гэта не так. Праводзіліся даследаванні, вынікі якіх сцвярджаюць іншае: адным трэба менш, іншым істотна больш. Аналагічная сітуацыя з рытмамі: некаторыя прыстасоўваюцца лепш, іншыя горш. Людзі, якiя ў большай ступені адчуваюць наступствы змены часавага пояса, больш адчуваюць і наступствы пераходу на зімовы ці летні час», - тлумачыць спецыяліст.

«Вядома, зімой, калі за акном цёмна, матывацыі прачынацца менш, пачаць дзень больш складана. Але што лепш - уставаць, калі светла, але пры гэтым мець больш кароткі светлавы дзень, або ўставаць зацемна, але мець крыху больш за доўгі светлавы дзень? У Гішпаніі, напрыклад, сканчаюць працаваць позна, і ў выніку ты вяртаешся дадому з працы ў цемры - асабліва ў снежні і студзені. Цяжэй за ўсё зімой у Скандынаўскіх краінах, дзе вельмі кароткі светлавы дзень, і гэта, вядома, уплывае на настрой», - кажа нейрабіёлаг.

Існуюць і выключна псіхалагічныя фактары, якія ўплываюць на чалавека пры пераводзе стрэлак. «Чалавек думае: я буду спаць на гадзіну больш ці менш. Але рэальна мы прывыклі ўставаць у вызначаны час, мозг дае сігнал, і мы ў дзень пераводу стрэлак устаём у той жа час, што і раней», - кажа Рэдалар.

У самой Гішпаніі вядуцца гарачыя спрэчкі – ці ў тым часавым поясе яна наогул знаходзіцца. Справа ў тым, што Грынвіцкі мерыдыян праходзіць праз гэтую краіну. Гішпанія жыве па цэнтральнаеўрапейскім часе (такое рашэнне было прынятае падчас Другой сусветнай вайны, каб час у краіне супадаў з часам у Нямеччыне). У выніку з суседняй Партугаліяй у Гішпаніі гадзінная розніца, роўна як і з прыналежнымі ёй Канарскімі выспамі. А вось розніца ў часе усходу і заходу сонца ў Галісіі і на Балеарскіх астравах складае паўтары гадзіны.