Стартавала рэгістрацыя на Менскі паўмарафон

Колькі каштуе удзел?

Беларуская федэрацыя лёгкай атлетыкі абвясціла пра старт рэгістрацыі на Менскі паўмарафон - 2019. Забег пройдзе 15 верасня, а ў залежнасці ад узроўню падрыхтоўкі можна выбраць адну з трох дыстанцый: 5,5 км, 10,55 км і 21 км. Прызавы фонд паўмарафон вырас у параўнанні з мінулым годам на 10 тысяч даляраў і складзе рэкордныя 60 тысяч даляраў, паведамляе tut.by.

- Мы павялічылі прызавы фонд не толькі дзеля павышэння статусу мерапрыемствы, але і для папулярызацыі здаровага ладу жыцця, - адзначыў старшыня праўлення Банка Дабрабыт Ігар Ліхагруд. - Чым больш людзей зможа прыйсці і паўдзельнічаць у паўмарафон, тым лепш.

Сёлета арганізатары павялічылі ліміт удзельнікаў да 40 тысяч чалавек, што на 5 тысяч больш, чым летась. Асноўны забег на 21 км стартуе на праспекце Пераможцаў ад Палаца спорту ў бок Верхняга горада, затым па праспекце Незалежнасці з паваротам на вуліцу Старажоўскую і выхадам зноў на праспект Пераможцаў.

Кошт рэгістрацыі пачынаецца ад 12 рублёў - для дыстанцыі 5,5 км пры запаўненні заяўкі да 7 траўня. Максімальны кошт - 75 рублёў пры рэгістрацыі за дзень да старту на максімальную дыстанцыю 21,097 км з выдачай фірмовай майкі і нумару з электронным чыпам.

Традыцыйна ўздоўж усяго маршруту будуць арганізаваны пункты харчавання і выдачы пітной вады, а таксама музычныя і забаўляльныя пляцоўкі. А па ўсёй трасе будуць расстаўленыя пункты збору пластыкавых бутэлек для наступнай іх здачы на перапрацоўку.

Арганізатары адзначаюць, што сёлета Менскаму паўмарафону ўпершыню быў прысвоены срэбраны лэйбл міжнароднай лёгкаатлетычнай асацыяцыі (IAAF Road Race Silver Label).