Аўстраліец выпадкова выйграў у латарэю двойчы па $16 мільёнаў
- 27.03.2019, 19:51
- 8,763
Мужчына купіў тры квіткі, два з якіх былі шчаслівымі.
Аўстраліец два разы запар выйграў у латарэю буйную суму грошай, піша gazeta.ru са спасылкай на The Age. Адзначаецца, што мужчына купіў тры квіткі ў двух розных месцах у прыгарадзе Мельбурна, два з якіх былі шчаслівымі і прынеслі яму па $16 млн кожны.
«Калі мы звязаліся з пераможцам... [ён сказаў], што ён зусім забыўся пра тое, што перамог не адзін раз, а двойчы», - распавяла прадстаўніца латарэі.
Сам пераможца падзяліўся, што разыгрывае адны і тыя ж лікі блізу 30 гадоў. На куплю латарэйных квіткоў ён выдаткаваў ужо больш за $20 тысяч. Цяпер аўстраліец вырашае, як ён выдаткаваць свае грошы.
«Можа, падумаю аб звальненні. Потым, можа быць, новы дом ці адпачынак. Дакладна падзялю яго [выйгрыш] з сям'ёй», - падкрэсліў пераможца.