Трамп запатрабаваў ад Расеі «прыбрацца з Венесуэлы»
29- 27.03.2019, 19:04
- 56,072
Са слоў прэзідэнта ЗША, для таго каб «прыбраць Расею з Венесуэлы», дапушчальныя любыя захады.
Расея павінна пакінуць Венесуэлу, заявіў прэзідэнт ЗША Дональд Трамп журналістам падчас сустрэчы з жонкай Хуана Гуайдо, якога Вашынгтон прызнаў часовым прэзідэнтам Венесуэлы, паведамляе РБК са спасылкай на Reuters.
«Расея павінна прыбрацца», - сказаў прэзідэнт ЗША. На пытанне, як гэтага дамагчыся, Трамп адказаў: «Паглядзім. Усе спосабы дапушчальныя».
Раней віцэ-прэзідэнт Майк Пенс заявіў, што ЗША разглядаюць прыбыццё ў Венесуэлу расейскіх вайсковых самалётаў як «непажаданую правакацыю». «Мы заклікаем Расею спыніць усю дапамогу рэжыму Мадура і падтрымаць Хуана Гуайдо», - сказаў ён.