Стала вядома, якім будзе надвор'е да канца сакавіка

Прагноз надвор'я на найбліжэйшыя тры дні.

28 сакавіка надвор'е ў Беларусі ў асноўным будзе вызначаць вобласць павышанага атмасфернага ціску, толькі ў начныя і ранішнія гадзіны ў заходніх раёнах краіны адаб'ецца ўплыў малаактыўнага атмасфернага фронту, піша «Гідрамет».

Чакаецца пераменная воблачнасць. Пераважна без ападкаў, толькі ўначы і раніцай па Берасцейскай і Гарадзенскай абласцях пройдуць невялікія ападкі (мокры снег, дождж). Вецер паўночна-заходні ўмераны. Тэмпература паветра мінімальная ўначы -1.. -7°С, на паўднёвым захадзе 0.. +3°С, максімальная ўдзень ад +4°С на ўсходзе да +11°С на захадзе краіны. Атмасферны ціск будзе расці.

29-30 сакавіка надвор'е ў краіне будзе вызначаць вобласць павышанага атмасфернага ціску і цёплая паветраная маса, якая паступае з Заходняй Еўропы.

29 сакавіка пераважна без ападкаў. Уначы і раніцай у асобных раёнах туман. Вецер заходні ўмераны, удзень парывісты. Тэмпература паветра мінімальная ўначы -1.. +4°С, максімальная ўдзень +8... +15°С.

30 сакавіка ападкаў у краіне не чакаецца. Уначы і раніцай у асобных раёнах туман. Вецер заходні ўмераны, удзень на поўначы парывісты. Тэмпература паветра мінімальная ўначы +1... +6°С, максімальная ўдзень +11... +17°С.