Каманда Зяленскага абяцае правесці паралельны падлік галасоў на прэзідэнцкіх выбарах

Пра вынікі абяцаюць аператыўна інфармаваць.

Штаб і каманда кандыдата ў прэзідэнты Украіны Уладзіміра Зяленскага рыхтуе паралельны падлік галасоў і абяцае «аператыўна інфармаваць» аб яго выніках.

Пра гэта заявіў каардынатар «ЗЕ! Каманды» ў рэгіёнах Аляксандр Карніенка, паведамляе «Інтэрфакс-Украіна».

«Наша мэта - максімальна паменшыць час ад таго моманту, як прагучыць лічба аб выніках падліку галасоў на ўчастку, якая агучваецца ўслых, і да таго моманту, калі пра гэтыя вынікі даведаецца ўся Украіна. Цяпер гэта можа быць прыблізна гадзіна, больш за гадзіну, і што за гэты час адбываецца - ніхто не ведае. Нешта можа адбывацца на выбарчым участку, на шляху ад ўчастка да акруговай камісіі», - сказаў ён.

У сваю чаргу экспэрт у сферы інфармацыйных тэхналогій Аляксандр Альшанскі распавёў аб існай сістэме, якая ўяўляе сабой базу звестак, «заменчаную» пад геалакацыю, куды збіраюцца ўсе крыніцы адкрытых звестак.

«Там ёсць звесткі пра тое, колькі ў кожнай школе вучыцца, колькі ў кожнай лякарні лекараў, колькі пенсіянераў на якой тэрыторыі, колькі сабралі падаткаў. Толькі крыніц звестак 300 тысяч, усе адкрытыя рэестры, райадміністрацыі», - адзначыў ён.

Альшанскі паведаміў, што ў прадстаўленай «ЗЕ! Камандзе» часткі гэтай сістэмы ў якасці «падкладкі» зробленыя выбарчыя ўчасткі, кожны назіральнік уводзіць свой логін і пароль, і далей можа ўводзіць прыход выбаршчыкаў, і максімальна хутка ўвесці звесткі вынікаў падліку галасоў.

Галоўны юрыст перадвыбарчага штаба Зяленскага Вадзім Галайчук адзначыў, што гэтая сістэма будзе дапамагаць факусаваць увагу на тых участках і акругах, дзе могуць быць праблемы.

«Мы трэніравалі сваіх назіральнікаў і юрыстаў бачыць анамальны прыход, і загадзя нам паведамляць пра такія факты. Спадзяемся на велізарную колькасць назіральнікаў на ўчастках, ужо казалі пра моладзь і смартфоны. З досведу, калі ёсць дастаткова ўвагі і кантролю на ўчастках, то атрымоўваецца прэвентыўна пазбегнуць нейкіх масавых фальсіфікацый. Таксама мы нацэленыя на тое, што збяром 100% пратаколаў з мокрымі пячаткамі», - указаў ён.

У штабе Зяленскага паведамілі, што запоўнілі на 85% сваю квоту што да чальцоў участковых выбарчых камісій, маюць 100% сяброў акруговых камісій і 100% давераных асобаў кандыдата.