У Менску затрымалі штурхнуўшую скульптуру гарадавога дзяўчыну
47- 27.03.2019, 15:43
- 48,494
З выходных яе трымаюць у ІЧУ.
У Менску затрымалі 18-гадовую дзяўчыну, штурхнуўшую скульптуру «Мінскага гарадавога» на вуліцы Гарадскі Вал насупраць будынку МУС. Здарэнне адбылося на выходных. Аляксандру С. адвезлі ў ізалятар часовага ўтрымання.
Як паведамляе «Еўрарадыё», пра гэта распавяла Наталля Басалыга-Гарачка, якая правяла ў ізалятары тры дні.
Скульптура знаходзіцца пад кругласутачным відэаназіраннем. Таму тых, хто дакранецца да «Менскага гарадавога», могуць затрымаць. Мінулай восенню 16-гадовы юнак даў скульптуры аплявуху, яго затрымалі, хлопец на відэакамеру прасіў прабачэння ў...гарадавога.
Як вядома, «Мінскі гарадавы» не з'яўляецца помнікам або гісторыка-культурнай каштоўнасцю, гэта проста скульптурная кампазіцыя.