Ва Украіне анансавалі крымінальную справу супраць Бойкі і Медведчука
14- 27.03.2019, 13:38
- 13,713
Крымінальная справа звязаная з візітам прарасейскіх палітыкаў у Маскву.
Генеральны пракурор Юрый Луцэнка заявіў, што сёння будзе зарэгістраваная крымінальная справа ў сувязі з візітам у РФ кандыдата ў прэзідэнты Юрыя Бойкі і Віктара Медведчука, паведамляе «Новое время».
Пра гэта паведаміла прэс-сакратарка генпракурора Ларыса Сарган.
Генпрокурор Юрій #Луценко: Сьогодні буде зареєстроване кримінальне #провадження про незаконний перетин кордону В.Медведчуком та Ю.Бойком. Але питання не тільки до Аерослужби, а й до ДПСУ, яка випустила цих осіб всупереч встановленому порядку. Законна реакція не забариться
— Лариса Сарган (@SarganLarysa) 27 марта 2019 г.
Акрамя таго, са слоў Луцэнкі, пытанні ёсць не толькі да Аэраслужбы, але і ГПСУ, якая выпусціла Бойку і Медведчука насуперак устаноўленым парадкам.
Нагадаем, 22 сакавіка ў Маскве кум прэзідэнта РФ Уладзіміра Пуціна Віктар Медвядчук разам з кандыдатам у прэзідэнты Украіны ад Апазіцыйнай платформы - За жыццё Юрыем Бойкам правёў перамовы з прэм'ерам РФ Дзмітрыем Мядзведзевым і кіраўніком «Газпрома» Аляксеем Мілерам.