Суд у Вільні прысудзіў да 10 гадоў экс-міністра абароны СССР

Дзмітрыя Язава прызналі вінаватым у вайсковых злачынствах.

Суд Вільні завочна прысудзіў былога міністра абароны СССР Дзмітрыя Язава да 10 гадоў пазбаўлення волі за вайсковыя злачынствы і злачынствы супраць чалавечнасці.

Пра гэта паведамляе Delfi.

Судовую пастанову вынеслі паводле справы аб падзеях 13 студзеня 1991 года ў сталіцы Літвы. Язава абвінавачвалі ў тым, што ў канцы 1990 гады ён стварыў арганізаваную групу з 160 вайскоўцаў і палітычных дзеячаў з мэтай вяртання Літвы ў склад СССР.

Генпракуратура Літвы прасіла для Язава пажыццёвае зняволенне.

Суд таксама прысудзіў да 12 гадоў былога афіцэра КДБ Міхаіла Галаватава.

Абвінавачванні ва ўчыненні савецкай агрэсіі выстаўленыя 67 грамадзянам Расеі, Беларусі і Украіны, іх абвінавачваюць у вайсковых злачынствах і злачынствах супраць чалавечнасці. Большасць з іх прыцягнутыя да суда завочна, перад судом паўсталі толькі два грамадзяніны Расейскай Федэрацыі.

13 студзеня 1991 году савецкія ўлада спрабавала сілай скінуць законную ўладу ў Літве, якая 11 сакавіка 1990 абвясціла аб незалежнасці ад СССР.

Пры захопе савецкімі вайскоўцамі часткамі і спецпадраздзяленнямі Віленскай тэлевежы і будынку Літоўскага радыё і ТВ загінулі 14 чалавек, больш за тысячу бяззбройных людзей пацярпела.

Паводле «справы 13 студзеня» паводле абвінавачванняў у стварэнні антыдзяржаўных арганізацый і ўчыненні іншых злачынстваў ужо былі асуджаныя шэсць чалавек.

Расея адмовілася супрацоўнічаць з Літвой у расследаванні гэтай справы і адхіліла просьбу апытаць былога кіраўніка СССР Міхаіла Гарбачова.