Парашэнка назваў свайго галоўнага апанента на выбарах ва Украіне
23- 27.03.2019, 11:47
- 23,959
Прэзідэнцкія выбары ва Украіне адбудуцца 31 сакавіка.
Прэзідэнт Украіны Пятро Парашэнка заявіў, што ўважае за свайго апанента на прэзідэнцкіх выбарах прэзідэнта РФ Уладзіміра Пуціна.
Пра гэта ён сказаў у эфіры тэлеканала ICTV, паведамляе "Новое время".
"Мой хаўруснік - украінскі народ. Хто мой апанент? Мой апанент, і я таксама гэтага не саромеюся і кажу гэта шчыра, адзін, бо іншыя баяцца гэта рабіць... Маім апанентам з'яўляецца Пуцін", - сказаў Парашэнка.
Паводле ягоных слоў, усё, што аслабляе Украіну, "узмацняе Пуціна".
"І таму сёння выбар - або мы за Украіну, ці мы за Расею", - зазначыў украінскі прэзідэнт.