Інгушы перацялі магістраль «Каўказ»
- 27.03.2019, 11:26
- 11,666
Сотні пратэстоўцаў рухаюцца да мяжы з Чачэніяй.
У Інгушэціі працягваюцца беспарадкі праз закон аб рэферэндуме які пераглядае межы з Чачэніяй. Паліцыя разагнала ўдзельнікаў мітынгу ў сталіцы рэспубліцы Магасе супраць мясцовага закона аб рэферэндуме, пасля чаго яны перацялі аўтадарогу «Каўказю - галоўную каўказскую аўтамагістраль, паведамляюць каўказскія СМІ са спасылкай на Twitter Baza.
Сёння раніцай мітынгоўцы ў Інгушэціі паспрабавалі прарвацца ў будынак мясцовай тэлевізіі - ГТРК. Са слоў удзельнікаў, яны хацелі надаць агалосцы тое, што адбываецца ў рэгіёне. Пасля гэтага байцы Расгвардыі адціснулі ўдзельнікаў акцыі ад уваходу ў будынак. Неўзабаве пачаліся сутычкі.
700 удзельнікаў мітынгу супраць закона аб рэферэндуме накіраваліся ў бок мяжы з Чачэніяй.
Іх суправаджаюць 150 супрацоўнікаў паліцыі ў цяжкім абмундзіраванні, 175 байцоў Расгврадыі, 80 супрацоўнікаў АМАПу і 35 СОБРа.
Да мяжы з Чачнэніяй мітынгоўцаў застаецца блізу 40-50 кіламетраў.
В Ингушетии беспорядки. Полиция разогнала участников митинга против местного закона о референдуме, после чего они перекрыли автодорогу "Кавказ" – главную кавказскую автомагистраль. pic.twitter.com/lslRPCfqs9
— baza (@bazabazon) 27 марта 2019 г.
Нагадаем, што 6 снежня 2018 года Канстытуцыйны суд Расеі прызнаў адпаведнае Канстытуцыі пагадненне аб мяжы паміж Чачнэніяй ды Інгушэціяй. Раней Канстытуцыйны суд Інгушэціі пастанавіў, што пагадненне супярэчыць тром артыкулам Канстытуцыі: уся ўлада ў Інгушэціі належыць народу, дзяржава павінна захоўваць тэрытарыяльную цэласнасць рэспублікі, змяненне межаў дапускаецца з улікам меркавання насельніцтва. Пасля гэтага Яўкураў заявіў, што КС Расеі павінен праверыць кампетэнтнасць КС Інгушэціі ў гэтым пытанні.
26 верасня кіраўнікі Чачэніі ды Інгушэціі Рамзан Кадыраў і Юнус-Бек Яўкураў падпісалі пагадненне аб мяжы паміж рэспублікамі. Чачэнія атрымала частку Надцярэчнага раёна Інгушэціі, а Інгушэція - тэрыторыю на мяжы з Малгабецкім раёнам.
Пасля гэтага ў Інгушэціі пачаліся масавыя пратэсты нязгодных з гэтай пастановай і з тым, што яе прынялі без рэферэндуму.