Польскі канцэрн рыхтуе газавую рэвалюцыю ў Еўропе
13- 27.03.2019, 9:15
- 16,462
«Газпрам» прызнаў, што амерыканскі звадкаваны газ можа выцесніць яго з ЕЗ.
Прадстаўнік расейскага Газпрама Сяргей Комлеў, які адказвае за падрыхтоўку кантрактаў, прызнаў, што пастаўкі амерыканскага звадкаванага газу галоўная канкурэнцыя ягонай фірме ў 2019 годзе, паведамляе «Радыё Польшча».
Гэта першая такога кшталту заява расейскага канцэрну, які дагэтуль грэбліва ставіўся да магчымай канкурэнцыі з боку ЗША, і цяпер прызнаецца ў тым, што яна можа паўплываць на пачынанні Газпрама ў Еўропе. Гэтае прызнанне азначае змену тону пасля гучных заяў Газпрама, што амерыканскі звадкаваны газ будзе даражэйшы за расейскі прыродны газ.
У Еўропу паступае ўсё больш звадкаванага газу з ЗША. Такая тэндэнцыя назіраецца ў куплях польскага канцэрна PGNiG. Пры гэтым сапраўдная рэвалюцыя адбудзецца ў наступным дзесяцігоддзі. PGNiG паведамляе, што ўжо у 2019 годзе Польшча атрымала першыя пастаўкі звадкаванага газу паводле ўкладзеных у 2018 годзе доўгатэрміновых кантрактаў з ЗША.
Дзякуючы кантрактам на куплю амерыканскага звадкаванага газу, у 2023-2042 гадах, PGNiG будзе дадаткова мець запас больш як 7,3 мільярда кубаметраў.