Акрамя грошай і пашпарта: сцюардэсы пералічылі самыя важныя рэчы ў багажы
7- 26.03.2019, 14:17
- 20,057
Названыя рэчы, якія неабходна пакласці ў сумку перад падарожжам.
Прафесійныя сцюардэсы са шматгадовым досведам распавялі пра рэчы, якія яны ніколі не забудуць спакаваць у свой багаж перад падарожжам, піша «Сегодня».
На YouTube-канале AshleySmithTV сцюардэса па імі Эшлі Сміт прызнаецца, што заўсёды кладзе ў торбу чатыры рэчы: парасон, маленькую чорную сукенку, купальнік і сонцаахоўны крэм. «Калі адпраўляюць на іншы рэйс, і я трапляю ў горад, пра які нават не ведала некалькі гадзін таму, я заўсёды гатовая пайсці на пляж або ў рэстарацыю. Ну і, вядома, не прамокну ў дождж», - распавядае дзяўчына ў каментары выданню HuffPost.
А вось Кэлі Кінкейд, сцюардэса буйной авіякампаніі і стваральніца сайта Jetlagged Comic, заўсёды падарожнічае з парай пантофляў. «Я нашу іх у сваім гатэльным нумары і ў душы, каб не падчапіць інфекцыю», - дадае Кэлі.
У сваю чаргу, Тарэша Фергюсон, якая ў YouTube распавядае пра хараство жыцця сцюардэсы, ніколі не лётае без увільгатняльніка. «Калі вы шмат лятаеце, скура становіцца сухой. Гэта адбываецца праз значныя перапады ціску ў салоне самалёта і сталую змену клімату», - сцвярджае яна.
Мець пры сабе партатыўныя хамуты, з дапамогай якіх можна лёгка змацоўваць або замацоўваць рэчы, раіць сцюардэса з Нью-Ёрка Стэла Коналі. «Я набываю іх у яскравых колерах, каб хутчэй знаходзіць сярод іншых рэчаў», - дадае дзяўчына.