Мянчук: Паводле «дармаедскага» тарыфу ЖКГ налічыла амаль 100 рублёў

Як дзяржава наважыла, што беспрацоўныя казачна багатыя.

У гэтым месяцы многія беларусы, якія трапілі ў базу «дармаедаў», атрымалі, згодна з дэкрэтам Лукашэнкі №1, квітанцыі з падвышанымі тарыфамі.

Сваёй гісторыяй з сайтам Charter97.org падзяліўся фрылансер-копірайтэр з Менска, уласнік кватэры Андрэй М.

- Раскажыце, што было ў квітанцыі, якую ЖКГ вам даслала?

- Сярэдняя квартплата з улікам ацяплення і кабельнай тэлевізіі раней у мяне была блізу 34 рублёў. У мяне ва ўласнасці - аднапакаёвая кватэра ў сталіцы.

Раптам квітанцыя, якая прыйшла ў лютым за студзень, ужо палохала лічбай 57 беларускіх рублёў.

Я памятаў, што кіруючы рэжым абяцаў усім беларусам у якасці навагодняга падарунка павышэнне расцэнак за паслугі ЖКГ, але скачок быў ужо вельмі ж жвавым.

Аднак вянком чаканняў стала квітанцыя, якая прыйшла ў сакавіку. Паколькі я афіцыйна прызнаны беспрацоўным, дзяржава відаць наважыла, што я казачна багаты.

Сума ў квітанцыі склала амаль сто рублёў. Прычым афіцыйна «эканамічна абгрунтаваныя тарыфы» ўжылі толькі да гарачай вады. А што будзе, калі з восені вырастуць іншыя пазіцыі па квартплаце? Не ведаю, як буду гэта аплачваць. Напэўна, прыйдзецца менш есці.

- Ці былі яшчэ нейкія «званочкі» ад камунальнікаў? Ці паступалі раней ад уладаў нейкія сігналы ў сувязі са стварэннем базы «дармаедаў»?

- Ведаеце, у гэтага рэжыму вельмі развіты рэпрэсіўны апарат. У нашым доме супраць «дармаедаў» былі задзейнічаныя шматлікія службы.

Напрыклад, беспрацоўных «вынюхваў» участковы, схіляючы даносіць на суседзяў. Месяцы тры таму МНС зладзіла дзіўнае анкетаванне жыхароў, дзе пытанне занятасці займала цэнтральнае месца.

Быў нейкі заказны ліст ад «камісіі працаўладкавання грамадзян пры райвыканкаме», ці як яна там называецца - але я прынцыпова не пайшоў атрымліваць.

Ад гэтай дзяржавы добрых навін быць не можа, а дрэнных мне і так стае. Дарэчы, падвышаная камуналка - гэта не самы непрыемны «сюрпрыз». Новы дэкрэт №1 дазваляе гэтай камісіі пазбавіць любога волі без прысуду суда. Колькі будзе такіх выпадку па Беларусі? Застаецца толькі здагадвацца і спадзявацца, што людзі не будуць маўчаць.

- Улады называюць тарыфы для беспрацоўных «эканамічна абгрунтаванымі». На вашу думку - ці так гэта?

- На днях у прэсе прагучала цытата чыноўніка, што беларусы ўжо пакрываюць больш за 80% эканамічна абгрунтаваных выдаткаў ЖКГ. Таму мне тым больш незразумелы такі рост коштаў у квітанцыях.

Беспрацоўным ва ўсім свеце імкнуцца дапамагчы, а не задушыць да канца. Чаго хоча гэтым дамагчыся кліка Лукашэнкі?

Думаю, што найбліжэйшым час мы ўбачым крызіс неплацяжоў за паслугі жыллёва-камунальнай гаспадаркі. У кожным такім выпадку праз паўгода рушыць услед судовая забарона на адчужэнне маёмасці - і чалавека фактычна выкінуць на вуліцу. І гэта будзе не адзін і не два выпадкі.

- Ці прапаноўвалі ўлады нейкія прымальныя варыянты афіцыйнага працаўладкавання?

- У развітых краінах лічыцца нормай тое, што чалавек павінен мяняць прафесію час ад часу. У такі дынамічны час мы жывём. Але толькі не ў нас у краіне. У нас страта афіцыйнай працы дзякуючы намаганням дзяржавы ператвараецца ў катастрофу.

Нягледзячы на даходы ад фрылансу, каб не лічыцца «дармаедам», я звярнуўся ў цэнтр занятасці. І тут пачалося самае цікавае.

Цэнтр занятасці фармальна прапаноўваў курсы перападрыхтоўкі, і я наважыў паспрабаваць сябе ў якасці кухара. Але раптам высветлілася, што да курсаў трэба чакаць яшчэ паўгода, а мне чамусьці было настойліва прапанавана папрацаваць грузчыкам.

Кожная праца вартая, але паводле стану здароўя мне нельга падымаць цяжкасці. Я адмовіўся - і рэакцыя была даволі рэзкай. З уліку ў цэнтры занятасці мяне знялі, прычым без права аднаўлення на працягу года.

Затое падчас маёй спробы афіцыйна працаўладкавацца чыноўнікі разгаварыўся, і я даведаўся некаторыя сакрэтныя правілы работы нашай сістэмы. Напрыклад тое, што грамадзяне з судзімасцю або якія знаходзіліся калісьці на ўліку ў нарколага не маюць у Беларусі шанцаў нават на брудную некваліфікаваную працу.

«Дык а як жа адседзелі?», - спытаў я неяк сацыяльнага работніка ў цэнтры занятасці. «А што адседзелі? Гэта ўжо не людзі. Ён выйшаў, скраў - зноў у турму », - абыякава адказала жанчына, чыёй прафесійнай задачай як раз з'яўляецца дапамога такім людзям.

Паглядзіце на лічбы вязняў у нашай краіне - гэта патэнцыйныя «дармаеды» і крэсіва сацыяльнага выбуху.

- На вашу думку - чаму ў другой рэдакцыі «дармаедскага» дэкрэта ўлады сканцэнтраваліся на пытаннях камуналкі для беспрацоўных уласнікаў жылля? Чаму такая ўвага менавіта да нерухомасці грамадзян?

- Дах над галавой - гэта тое, што абараняе чалавека ад сацыяльнага дна. Нават па рашэнні суда, пры канфіскацыі маёмасці кватэра чалавека застаецца недатыкальнай.

У дэкрэце №1 улады ўжылі подлы прыём: яны лічаць, што людзі хутчэй памруць з голаду, але аддадуць усё, каб абараніць апошнюю ўласнасць, сваё жыллё.

Гэты дэкрэт - працяг нечалавечай логікі беларускага кіраўніка. Зрабіць сваю зграю яшчэ багацейшай, а ў бедных забраць апошняе.

- Што вы думаеце рабіць з пацяжэлай квітанцыяй? Ці будзеце аспрэчваць іх у судовым парадку?

- Збіраюся звярнуцца да юрыстаў прафзвязу РЭП. Падам на «дармаедскую» камісію ў суд.

Калі была першая рэдакцыя дэкрэта, я паабяцаў, што забарыкадую ўваходныя дзверы канапай, але плаціць ім не буду. Гатовы паўтарыць свае словы.

- Як вы ацэньваеце барацьбу за скасаванне дэкрэту аб «дармаедах», якую вядуць беспрацоўныя ў Гомелі?

- Хатняя гаспадыня Марыя Тарасенка і «адвакат дармаедаў» Леанід Судаленка, што дапамагае ёй - гэта першыя ластаўкі, і яны мяне радуюць. Спадзяюся, позвы беспрацоўных супраць дзяржавы стануць масавымі.

- Што параіце рабіць тым, хто таксама атрымаў «дармаедскія» квітанцыі?

- Нам ніхто не зробіць падарунку, калі мы не выйдзем з пратэстам на вуліцы. Дэкрэт №3 «праляцеў», а цяпер нам паскудна падсунулі новую рэдакцыю старых песень.

Ды я і адзін выйду з плакатам, калі трэба будзе. За масавыя акцыі супраць першай рэдакцыі дэкрэта аб «дармаедаў» я зарабіў спачатку «суткі», а потым яшчэ і штраф. Ні хвіліны пра гэта не шкадую. У скасаванні гэтага юрыдычнага непаразумення ёсць і мой невялікі ўклад.

Але ўсё-такі мы павінны дамагацца скасавання гэтага прававога бязмежжа разам. Нас шмат. Нават калі браць сухія лічбы ўладаў - дзесьці паўмільёна.

Галоўнае - не баяцца і не спадзявацца на чужую ласку. А тыя, хто здзекуецца з людзей, павінны пакінуць чыноўніцкія крэслы з воўчым білетам за прафесійную некампетэнтнасць.

Калі вам спадабаўся артыкул, вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL 97 1160 2202 0000 0002 1671 1123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]