Еўрастат параўнаў колькасць вакансій у краінах ЕЗ
2- 18.03.2019, 20:36
- 9,845
Чэхія лідзіруе па колькасці вакантных працоўных месцаў у параўнанні з іншымі краінамі-сябрамі ЕЗ.
Такія звесткі 18 сакавіка прыводзіць Еўрастат - статыстычнае бюро ЕЗ, паведамляе eurointegration.com.
Калі ў сярэднім у Еўразвязе ў чацвёртым квартале 2018 года адносіны незанятых працоўных месцаў да агульнай колькасці працоўных месцаў склалі 2,3%, то ў Чэхіі гэты паказчык павялічыўся да 6%. Гэта - самы хуткі рост сярод усіх краін блока.
Другое месца па колькасці вакансій падзяляюць Бельгія і Нямеччына (па 3,4%), у Аўстрыі - 3,1%. Самы нізкі паказчык - у Грэцыі (0,4%). Па 0,9% вольных працоўных месцаў - у Балгарыі, Ірландыі, Гішпаніі і Партугаліі.
Як вядома, ва ўрадзе Чэхіі скардзяцца на недахоп працоўнай сілы ў краіне, заклікаючы прыцягваць яе з-за мяжы.