Названыя прадукты з самым высокім утрыманнем калію
9- 18.03.2019, 12:03
- 20,190
Гэты мінерал патрэбны для паляпшэння працы сэрца.
Для таго каб абараніць сябе ад гіпертаніі і хвароб сэрца, трэба захоўваць дастатковы ўзровень калію ў крыві. І вось прадукты харчавання, якія багатыя на гэты мінерал, піша hronika.info.
Калій адносіцца да ліку найважнейшых макрамінералаў для арганізма чалавека, ён зніжае рызыку заўчаснай смерці на 20%, як паказваюць розныя даследаванні. Гэта трэці найбольш распаўсюджаны мінерал ў нашым целе, які рэгулюе розныя вадкасці, скарачэнне цягліц і перадачу нервовых сігналаў. У перапрацаваных прадуктах харчавання нізкі ўзровень калію, а чым менш яго ў арганізме, тым вышэйшая рызыка развіцця гіпертаніі.
Авакада. Гэтыя экзатычная садавіна насычаная карыснымі для здароўя тлушчамі, яны ўважаюцца за выдатную крыніцу калію і фалатаў. Калі вы пакутуеце на павышаны артэрыяльны ціск ці ўжо дыягнаставаную гіпертанію, абавязкова ўключайце ў свой рацыён авакада.
Бататы. Салодкая бульба або батат з'яўляецца цудоўнай крыніцай калію, але акрамя гэтага яшчэ ўтрымлівае складаныя вугляводы і валокны. Многія людзі незаслужана абыходзяць увагай бататы, хоць яны вельмі прыемныя на смак і карысныя для здароўя паводле многіх паказчыкаў.
Шпінат. Яшчэ адная карысная гародніна з тых, што ёсць у шырокім доступе круглы год. Шпінат насычаны каліем, вітамінам А і магніем. Выдатны дадатак для салату ці альтэрнатыва гарніру.
Кавуны. У іх адзначаецца нізкае ўтрыманне тлушчу і калорый, затое мноства мінералаў і вітамінаў накшталт калію. У кожных 100 грамах кавуна змяшчаецца прыблізна 112 мг калію. Таму, калі надыдзе сезон кавуноў, не адмаўляйце сабе ў задавальненні штодня ўжываць гэтую выдатную садавіну. Акрамя ўсяго іншага, кавуны з'яўляюцца цудоўным прадуктам для дэтаксікацыі арганізма, нармалізацыі працы нырак і прафілактыкі мочакаменнай хваробы.