Беларусь прызналі парушальніцай Канвенцыі Эспа падчас будаўніцтва АЭС
7- 7.02.2019, 16:49
- 24,140
Беларускі бок раскрытыкавалі на нарадзе ў Жэневе.
Бакі Канвенцыі Эспа ўважаюць інфармацыю аб выбары пляцоўкі для будаўніцтва БелАЭС недастатковай для таго, каб прызнаць, што Беларусь выконвае патрабаванні канвенцыі.
Гэта вынікае з пастановы, прынятай на прамежкавай нарадзе бакоў канвенцыі ў Жэневе. Адпаведны дакумент апублікаваны на сайце Еўрапейскай эканамічнай камісіі ААН.
Бакі адобрылі высновы Камітэта ў выкананні Канвенцыі Эспа аб тым, што ў дакументацыі ў ацэнцы ўздзеяння Беларускай АЭС на навакольнае асяроддзе «згадваюцца альтэрнатыўныя месцы размяшчэння атамнай электрастанцыі і крытэрыі выбару пляцоўкі, але не прыводзіцца дастатковай інфармацыі ў падтрымку і абгрунтаванне выбару Астравецкай пляцоўкі для прыняцця канчатковай пастановы ў дачыненні да гэтай дзейнасці ў адпаведнасці з канвенцыяй».
Міністр энэргетыкі Літвы Жыгімонтас Вайчунас, які ўзначальваў дэлегацыю Літвы на сустрэчы ў Жэневе, назваў пастанову «максімальна спрыяльнай для Літвы», паведамляе «Радыё Свабода».
«Сёння ў пагадненні краін былі зацверджаныя высновы аб тым, што Беларусь пры будаўніцтве БелАЭС парушыла міжнародныя дамовы і канкрэтна Канвенцыю Эcпо, і парушыла гэтую канвенцыю паводле трох артыкулаў. Так што гэта канчатковая пастанова».