Паўднёвая Карэя стала самай інавацыйнай краінай свету
1- 4.02.2019, 11:27
- 10,656
У фінальны рэйтынг увайшлі 60 краін.
Нямеччына і Фінляндыя ўвайшлі ў топ-3 рэйтынгу інавацыйных эканомік Bloomberg Innovation Index 2019: Нямеччына заняла 2-е месца, Фінляндыя апынулася на 3-м. Узначаліла рэйтынг у гэтым годзе Паўднёвая Карэя, піша «Европульс».
З краін Еўразвязу ў першай дзясятцы таксама апынуліся Швэцыя (на 7-м месцы) і Францыя (на 10-м). Швэцыя ў мінулым годзе таксама здабыла годнасць самай адкрытай для новых тэхналогій краін свету паводле версіі рэйтынгу Economist Intelligence Unit.
Адна з вядучых сусветных кампаній-пастаўшчыкоў прафесійнай фінансавай інфармацыі, Bloomberg ранжуе краіны свету паводле ўзроўню інавацыйнасці, выкарыстоўваючы 7 індыкатараў: інтэнсіўнасць даследаванняў і распрацовак, узровень тэхналагічнасці вытворчасці, прадукцыйнасць працы, дзель інавацыйных прадпрыемстваў у агульнай колькасці кампаній, колькасць выпускнікоў ВНУ, дзель навуковых работнікаў на 1 мільён жыхароў краіны і колькасць атрыманых патэнтаў.
У фінальны рэйтынг увайшлі 60 краін.