Прыхільнікаў Мадуры знялі з пасад у нафтавай кампаніі Венесуэлы

У кіраўніцтве Citgo адбыліся кадравыя перастаноўкі.

Citgo Petroleum Corp зняла з пасады як мінімум трох кіраўнікоў кампаніі, блізкіх да Асдрубалу Чавэсу, прызначанага Нікаласам Мадурам для кіравання дзяржаўнай нафтаперапрацоўчай фірмай PdVSA ў ЗША, паведамляе «Голас Амерыкі».

Кампанія Citgo апынулася ў эпіцэнтры палітычнага супрацьстаяння, які разгарэўся ў паўднёваамерыканскай краіне, бо апазіцыя, якую падтрымліваюць многія заходнія краіны, імкнецца пазбавіцца ад Нікаласа Мадуры і правесці новыя прэзідэнцкія выбары.

Кантраляваны апазіцыяй кангрэс Венесуэлы на мінулым тыдні прызначыў новую раду дырэктараў для кіравання Citgo, найбольш важным замежным актывам Венесуэлы. У яе склад увайшлі Луіса Паласіяс, Андрэс Падылья, Эдгар Рінкон, Луіс Урданэта, Анхель Альмета і Рык Эсэр. Новая рада дырэктараў яшчэ не ўвайшла на пасаду ў штаб-кватэры кампаніі ў Х'юстане.