«Белмытнясэрвіс» пра затрыманне гендырэктара: Яго проста няма
24- 19.02.2019, 10:32
- 28,689
Куды знік кіраўнік дзяржаўнага прадпрыемства?
Аб затрыманні кіраўніка РУП «Белмытнясэрвіс» Юрыя Караля выданню onliner.by паведаміў чытач, які сам даведаўся пра гэта ад калег. Нібыта разам з гендырэктарам затрыманыя яшчэ пяць чалавек. У прыёмнай Караля нам паведамілі, што ён пакуль адсутнічае, калі будзе - невядома. Інфармацыю аб затрыманні тут не абмяркоўваюць: «На сёння яго проста няма».
Кіраўніцтва прадпрыемства ад каментароў устрымалася.
Паводле папярэдняй інфармацыі, затрыманне адбылося 18 лютага.
«Афармленне спыненае, грузы стаяць, прызначаюцца ацэначныя і таваразнаўчай экспэртызы на ўсе грузы і ўсе тыпы тавараў, - паведамляюць перавозчыкі. - Выпуск толькі на ўзгадненне з начальнікам мытні - асабіста і пад асабістую адказнасць - пасля татальных праверак кошту тавару ад вытворцы, з дадаткам прайс-лістоў вытворцаў да дакументаў праверкі».
Рэспубліканскае ўнітарнае прадпрыемства «Белмытнясэрвіс» заснавана Дзяржаўным мытным камітэтам у 1999 годзе. На сайце кампаніі пазначана, што яна працуе ў сферы лагістычных паслуг, уключаючы складскую апрацоўку, мытнае афармленне, даручальніцтва, экспэдаванне, міжнародныя перавозкі грузаў любым тыпам транспарту, распрацоўку і рэалізацыю спецыяльнага праграмнага забеспячэння.