Аглядальнік The Sun: Каманда, што прыбіла «Арсенал», снедае ў «Burger King» і ляціць звычайным рэйсам

Чарлі Уайет распавёў, чым яго захапіў БАТЭ.

Спартыўны аглядальнік «The Sun» Чарлі Уайет распавёў карэспандэнту «Прессбола», чым яго захапіўс БАТЭ.

- Акрамя таго, у Барысаве ў запасе застаўся Абамеянг. Чаму?

- Думаю, яму проста далі адпачыць, бо ён нядаўна аднавіўся пасля хваробы. Хоць у пэўным сэнсе гэта выглядае дзіўна, бо ў «Арсенала» няма гульняў паміж еўракубкавымі сустрэчамі з БАТЭ - графік вельмі камфортны. Можа, Эмер чакаў лёгкай прагулкі ў Барысаве. Пры гэтым лонданцы дакладна не могуць паскардзіцца, што заслугоўвалі перамогу ў першай гульні. Тым не менш у «Арсенале» вельмі прафесійныя футбалісты, хай некаторым з іх, накшталт Гендузі, не хапае досведу выступленняў на такім узроўні.

Вось, дарэчы, момант, які выдатна паказвае розніцу паміж спаборнікамі. Пасля прайгранага матчу ніхто з гульцоў «Арсенала» не трапіў у цэнтр увагі СМІ - каманда закрылася і рыхтуецца да зваротнага паядынку. А гульцы БАТЭ ўжо на наступны дзень засвяціліся ў аэрапорце, снедаюць у «Burger King». Для прафесійных футбалістаў гэта не выглядае нармальным. Прычым, каманда адправілася ў Лондан на самалёце, набітым англійскімі журналістамі. Прычым, не чартарам і нават не бізнэс-класам! Футбалісты расселіся па салоне асобна адзін ад аднаго. Некаторым дасталіся месцы ў сярэдзіне шэрагу, якія вельмі нязручныя. Ангельскія медыя шмат напісалі пра сітуацыю ў аэрапорце - гэта зрабіла на нас вялікае ўражанне. У клубаў з Англіі нашмат больш грошай і зусім іншы ўклад. Гэта проста іншы свет. Каманда, што прыбіла «Арсенал», на наступную раніцу снедае ў «Burger King» і ляціць звычайным рэйсам на паядынак у адказ. Цудоўна!

Які гадавы бюджэт у БАТЭ?

- Блізу 6 мільёнаў еўраў.

- Месут Озіл, які не трапляе ў заяўку на гульню з БАТЭ, зарабляе ў год 17 мільёнаў фунтаў. 120 тысяч фунтаў у тыдзень - сярэдні заробак гульца ў «Арсенале».