На «БелДжы» зніжаюць заробкі за «неразуменне мэт і задач кітайскага начальніка цэха»

Калі ж работнік не згодны, то яго звольняць.

На адрас ex-press.by была адпраўленая фотакопія дакумента «Папярэджанне аб змене істотных варункаў працы», адрасаванага аднаму з працаўнікоў СЗАТ «БелДжы».

Гэтым дакументам работніка ставяць інфармуюць аб тым, што яму касуецца павышэнне тарыфу на 25%, якое дзейнічала раней. Прычына тлумачыцца дакладной нататкай начальніка цэха, які носіць кітайскае імя і прозвішча.

Чым ж начальнік цэха СЗАТ «БелДжы» матывуе патрэбу зніжэння заробку? Гэта «нявыяўленая актыўнасць, адсутнасць ініцыятывы і неразуменне мэт і вытворчых задач начальніка цэха».

Работніка папярэджваюць аб тым, што калі ён не пагодзіцца са зніжэннем свайго заробку, то будзе звольнены паводле пункту 5 часткі другой артыкула 35 Працоўнага Кодэкса РБ за адмову ад працягу працы ў сувязі са зменай істотных варункаў працы.

Журналісты папрасілі пракаментаваць сітуацыю юрыста і праваабаронцы Алега Мацкевіча:

- Сапраўды, у артыкуле 32 Працоўнага Кодэксу Беларусі, а таксама ў дэкрэце Лукашэнкі №5 ад 15 снежня 2014 года змяшчаецца норма, якая дазваляе наймальніку змяняць істотныя варункі працы работніка ў сувязі з абгрунтаванымі вытворчымі, арганізацыйнымі або эканамічнымі прычынамі.

Мяркуючы з тэксту «Папярэджання» ў гэтым выпадку, як я думаю, гаворка ідзе аб арганізацыйных прычынах. Тым не менш, мала фармальна адзначыць іх. Прычыны маюць быць абгрунтаваныя. У гэтым жа «папярэджанні» прычыны, на мой погляд, няпэўныя, расплывістыя і бяздовадныя.

«За нявыяўленую актыўнасць, адсутнасць ініцыятывы і неразуменне мэт і задач начальніка цэха» - гэта абсалютна суб'ектыўная выснова, нічым у "папярэджанні" не падмацаваная. Гэта значыць, арганізацыйная прычына не абгрунтаванач належным чынам. Так можна прычапіцца да каго хочаш, абвінаваціўшы ў безыніцыятыўнасці.

Сапраўды, а чаму звычайны працаўнік павінен разумець мэты і вытворчыя задачы начальніка цэха?

Заўважым, што кіраўніцтва СЗАТ «БелДжы» ўжо не першы раз дэманструе асобнае разуменне прававых нормаў.

Напрыклад, адміністрацыя супольнага закрытага акцыянернага таварыства «БелДжы» зарэзэрвавала сабе права прыцягваць супрацоўнікаў без ўзгаднення з імі да працы ў выходныя дні і ў звышнарматыўны час у перыядзе да 31 студзеня 2019 года.

Напраўду работнікі супольнага беларускага-кітайскага прадпрыемства маюць невялікі выбар: альбо працаваць звыш нормы за меншыя грошы альбо бараніць свае працоўныя правы ў судзе.