На колавай пад Віцебскам перавярнулася фура
- 17.02.2019, 21:18
- 14,615
Кіроўца ў рэанімацыі.
Аварыя адбылася ўвечары 16 лютага на дарозе Р-87 каля вёскі Сялюты Віцебскага раёна, паведамляе ДАІ рэгіёну.
44-гадовы кіроўца, кіруючы цягачом DAF у счэпцы з паўпрычэпам Kogel, пры праездзе колавай развязкі з аўтадарогай Р-87 Віцебск - Ворша не справіўся з кіраваннем, з'ехаў у кювет і перакуліўся.
Кіроўца заціснула ў кабіне, яго даставалі ратавальнікі, паведамляе МНС.
Мужчына атрымаў розныя траўмы. Ён шпіталізаваны ў рэанімацыю абласной клінічнай лякарні.
Праводзіцца праверка абставін ДТЗ.