Пайшла з жыцця Лі Радзівіл
3- 17.02.2019, 13:30
- 15,735
Малодшай сястры Джэкі Кенэдзі і экс-жонцы князя Станіслава было 85 гадоў.
У пятніцу ў Нью-Ёрку пайшла з жыцця экс-жонка нашчадка магутнага роду Радзівілаў - князя Станіслава, паведамляе gazetaby.com.
Малодшай сястры Джэкі Кенэдзі, якую называлі іконай стылю, было 85 гадоў.
Лі Радзівіл жыла ў ЗША і Францыі. Князь Станіслаў Радзівіл быў яе другім мужам.
У шлюбе з ім у яе з'явілася двое дзяцей (развялася, выйшла замуж трэцім разам - потым таксама развялася).
Лі захаплялася дызайнам інтэр'еру і фота яе дамоў часта аказваліся на вокладках тэматычных часопісаў. Доўгія гады княгіня Радзівіл вяла актыўнае свецкае жыццё і займалася дабрачыннасцю.