Трамп папрасіў Еўропу прыняць у сябе палонных баевікоў ІД
4- 17.02.2019, 13:17
- 12,550
Прэзідэнт ЗША звярнуўся да лідараў Вялікабрытаніі, Францыі і Нямеччыны.
Прэзідэнт ЗША Дональд Трамп звярнуўся да партнёраў Вашынгтона ў Еўропе з просьбай прыняць сотні баевікоў тэрарыстычнай арганізацыі «Ісламская дзяржава», захопленых амерыканскімі ўзброенымі сіламі падчас аперацыі ў Сірыі, паведамляе dw.com.
Адпаведны запіс ён размясціў у нядзелю, 17 лютага, у Twitter.
The United States is asking Britain, France, Germany and other European allies to take back over 800 ISIS fighters that we captured in Syria and put them on trial. The Caliphate is ready to fall. The alternative is not a good one in that we will be forced to release them........
— Donald J. Trump (@realDonaldTrump) 17 февраля 2019 г.
«ЗША просяць Вялікабрытанію, Францыю, Нямеччыну і іншых еўрапейскіх саюзнікаў забраць звыш 800 баевікоў ІД, захопленых у Сірыі, і аддаць іх пад суд. Халіфат неўзабаве падзе. У адваротным выпадку не адбудзецца нічога добрага - нам давядзецца адпусціць іх на свабоду», - паведаміў Трамп.
З яго сцвярджэння, Вашынгтон не хацеў бы, каб джыхадзісты пазапаўнялі Еўропу.
«Пара падлучыцца іншым»
«Мы так шмат усяго робім і трацім столькі рэсурсаў. Цяпер пара іншым падлучыцца і выканаць тую працу, якую яны ў стане ажыццявіць», - рэзюмаваў Трамп, пацвердзіўшы ў заключэнне, што УС ЗША сыходзяць з Сірыі.
Раней міністарка абароны ФРГ Урсула фон дэр Ляйен (Ursula von der Leyen) выказала асцярогі, што разгром джыхадзісцскай групоўкі «Ісламская дзяржава» можа прывесці да з'яўлення глабальнай падпольнай тэрарыстычнай сеткі ІД. «Нам вядома, што «халіфат» у Сірыі і Іраку фізічна разгромлены. Але варта канстатаваць, што цяпер ІД мяняе сваё аблічча, глыбей сыходзіць у падполле і там фармуе сеткі з удзелам іншых тэрарыстычных груповак», - патлумачыла яна.