Стала вядома, калі Еўразвяз афіцыйна абвесціць «азоўскі пакет санкцыяў» супраць РФ

У найбліжэйшы час таксама чакаецца адказ і Злучаных Штатаў на захоп Расеяй украінскіх маракоў.

Міністр замежных справаў Украіны Павел Клімкін заяўляе, што ў Еўрапейскім Звязе 18 лютага афіцыйна абвесцяць пра пастанову ўвесці персанальныя санкцыі супраць грамадзянаў Расейскай Федэрацыі.

Як піша «УНІАН», пра гэта ён сказаў журналістам у рамках Мюнхенскай канферэнцыі ў пытаннях бяспекі.

"У панядзелак, усе ўжо гэта ведаюць, гэта не з'яўляецца такім сакрэтам, гэта не з'яўляецца таямніцай, будуць персанальныя санкцыі. Цяпер прадаўжаецца абмеркаванне. Магу сказаць, што тое, што будзе ў панядзелак, гэта, я вельмі спадзяюся, не канец. Мы абмяркоўваем і іншыя ідэі, якія Еўрапейскі Звяз... і, адпаведна, будзе яшчэ адказ ад Злучаных Штатаў у найбліжэйшы час", – заявіў Клімкін.

"Мы абмяркоўваем і больш дзейсныя ідэі. Сярод тых, якія вы чулі, – гэта магчымасць абмежавання для некаторых расейскіх судоў, але ёсць і больш крэатыўныя ідэі, але свядома далей не пайду", – дадаў ён.

Пры гэтым ён сказаў, што цяпер самае важнае – гэта праграма дапамогі ЕЗ для пацярпелых паўднёвых і ўсходніх абласцей Украіны ад расейскай агрэсіі. "Каб гэта не абмежавалася двума, трыма праектамі, паколькі ў нас на сёння два прыярытэты. Адзін – гэта інфраструктурныя праекты і іншы – гэта праекты, каб падтрымаць людзей", – сказаў міністр.

Асобна ён адзначыў, што 18 лютага наведае сустрэчу "Сяброў Украіны ў ЕЗ" перад пасяджэннем Рады ЕЗ на ўзроўні міністраў замежных справаў.

Таксама Клімкін дадаў, што аб'ява пра ўвядзенне персанальных санкцый ЕЗ будзе ад высокага прадстаўніка Еўрапейскага Звязу ў пытаннях вонкавай палітыкі і палітыкі бяспекі Федэрыка Магерыні.

На Радзе ЕЗ будзе абмяркоўвацца мэтанакіраваны план датычна падтрымкі ўкраінскага Данбаса і ўкраінскага поўдня. Клімкін адзначыў, што міністр замежных справаў Даніі Андэрс Самуэльсэн, які нядаўна наведваў Марыупаль, павінен падрыхтаваць кароткі даклад, на аснове якога пачнецца ўнутранае абмеркаванне ў еўрапейскіх структурах датычна таго, што "можна зрабіць вельмі хутка, разумеючы ступень расейскага ўмяшання ў выбары". Кіраўнік МЗС дадаў, што гаворка ідзе не толькі пра прэзідэнцкія і парламенцкія выбары, але і мясцовыя выбары.

Таксама ў яго ўдакладнілі датычна таго, ці гатовыя ЗША ўвесці сектаральныя санкцыі праз сітуацыю ў Азоўскім рэгіёне. "Я не магу гаварыць за нашых амерыканскіх партнёраў. Тое, што абмяркоўваецца намі на сёння з імі, мне вельмі падабаецца. Вось усё, што магу сказаць", – падкрэсліў Клімкін.

Нагадаем, 15 лютага прэзідэнт Украіны Пётр Парашэнка заявіў, што ЕЗ ужо зацвердзіў «Азоўскі пакет» санкцый супраць РФ праз захоп украінскіх маракоў і судоў і прыме яго ў пачатку наступнага тыдня. СМІ паведамілі, што ЕЗ увядзе санкцыі супраць 8 грамадзянаў Расеі праз захоп у лістападзе 2018 года блізу Крыма 24 украінскіх маракоў і трох судоў.

Сёння, 16 лютага, Парашэнка правёў перамовы з федэральнай канцлеркай Нямеччыны Ангелай Меркель, падчас якіх бакі скаардынавалі дзеянні з мэтай увядзення «азоўскага пакета» санкцый.