28 сакавiка 2024, Чацвер, 15:32
Падтрымайце
сайт
Сім сім,
Хартыя 97!
Рубрыкі

Даследнікі распавялі пра перавагу «жаўрукоў» над «совамі»

6
Даследнікі распавялі пра перавагу «жаўрукоў» над «совамі»
ФОТА З САЙТА SOCPORTAL.INFO

Аўтары даследавання спадзяюцца, што іх звесткі прывядуць да індывідуалізацыі графіка работнікаў.

Падчас эксперыменту даследчыкі прыйшлі да высновы, што ў мозгу «жаўрукоў» назіраецца больш нейронавых сувязяў, чым у мозгу «соваў», паведамляе «Галоўнае».

Навукоўцы з Бірмінгемскага ўніверсітэта (Вялікая Брытанія) выявілі, што мозг «соваў» і «жаўрукоў» ў розны час дня працуе па-рознаму.

Спецыялісты вывучылі рэакцыю на кагнітыўныя тэсты 38 добраахвотнікаў, 16 з якіх уставалі рана, а 22 - позна. Праца апублікаваная ў часопісе SLEEP.

Высветлілася, што «жаўрукі» раніцай хутчэй і нашмат лепш за «соваў» спраўляліся з тэставым заданнем. «Совы» ж, як можна здагадацца, больш эфектыўна працавалі ўвечары, але пры гэтым іх перавага было не такой відавочнай.

Таксама як паказала магнітна-рэзанансная тамаграфія (МРТ), у задняй пасавай звіліне мозгу і медыяльнай прыфрантальнай кары «жаўрукоў» выяўленая большая колькасць нейронавых сувязяў, чым у «соваў» ва ўсякі час дня.

Аўтары даследавання спадзяюцца, што іх звесткі паўплываюць на сферу працы і прывядуць да індывідуалізацыі графіка работнікаў, у залежнасці ад іх цыркаднага рытму.

Напісаць каментар 6

Таксама сачыце за акаўнтамі Charter97.org у сацыяльных сетках