Яшчэ адна краіна ЕЗ прызнала Гуайдо часовым прэзідэнтам Венесуэлы
- 15.02.2019, 21:49
- 8,271
Славенія падтрымала лідара апазіцыі Венесуэлы.
Славенія прызнала Хуана Гуайдо часовым прэзідэнтам Венесуэлы, паведаміў кабінет міністраў рэспублікі ў Twitter.
«Славенія прызнае Хуана Гуайдо часовым прэзідэнтам Венесуэлы для таго, каб былі праведзены свабодныя, сумленныя і дэмакратычныя прэзідэнцкія выбары», - гаворыцца ў паведамленні ўрада Славеніі.
Раней на Заходніх Балканах Гуайдо часовым венесуэльскім прэзідэнтам прызналі Албанія, Паўночная Македонія, Харватыя, Чарнагорыя, а таксама самаабвешчаная рэспубліка Косава.