У аэрапорце Варшавы адбылася аварыя з самалётам прэм'ера Ізраіля

Біньяміну Нетаньяху давялося падоўжыць свой візіт у Польшчу.

Прэм'ер-міністру Ізраіля Біньяміну Нетаньяху давялося падоўжыць свой візіт у Варшаву, дзе ён удзельнічаў у блізкаўсходняй канферэнцыі, бо ягоны самалёт быў пашкоджаны ў аэрапорце.

Пра гэта паведамляе Fakt 24.

Кіраўнік ізраільскага ўрада павінен быў пакінуць Варшаву ў ноч з чацвярга на пятніцу. Але, з паведамлення ізраільскай авіякампаніі El Al, самалёт прэм'ера Boeing 777 быў пашкоджаны цягачом, які заехаў у яго.

Як у пятніцу паведаміла польскае дзяржаўнае прадпрыемства «Porty Lotnicze», «падчас адштурхвання з месца стаянкі ўрадавага самалёта з прэм'ер-міністрам Ізраіля на борце адбылася аварыя, падчас якой было пашкоджанае пярэдняе шасі самалёта».

Ніхто з пасажыраў, чальцоў экіпажа і наземных работнікаў аэрапорта не пацярпеў. Пасажыры паспяхова пакінулі борт.

На паведамленні Times of Israel, Нетаньяху, ягоная жонка і калегі вярнуліся ў гатэль Intercontinental, дзе былі вымушаныя заначаваць. З Ізраіля па прэм'ера выслалі новы самалёт і запланавалі вылет у пятніцу раніцай.