Два самалёты Boeing сутыкнуліся ў аэрапорце Унукава
5- 14.02.2019, 18:46
- 15,078
Паводле папярэдніх звестак, ніхто не пацярпеў.
Самалёты авіякампаній "Расея" і Azur Air сутыкнуліся пры буксаванні ў аэрапорце Унукава.
Пра гэта паведаміла ТАСС прадстаўніца Маскоўскага міжрэгіянальнай следчай управы на транспарце (ММСУТ) СК Расеі Ларыса Маркавец.
"Два самалёты Boeing сутыкнуліся ў аэрапорце Унукава. Паводле папярэдніх звестак, яны зачапіліся адзін за аднаго крыламі пры буксаванні", - паведаміла Маркавец.
Паводле папярэдніх звестак, у выніку здарэння ніхто не пацярпеў. "Паветранае судна авіякампаніі Azur Air атрымала пашкоджанні правага вінглетц (заканцоўка правага крыла), самалёт авіякампаніі "Расея"- пашкоджанні стабілізатара", - паведаміла прадстаўніца ММСУТ.
Са слоў Маркавец, паводле факту сутыкнення самалётаў распачатая Даследчая праверка. На месца выехалі следчыя, высвятляюцца ўсе абставіны здарэння.