Рубель, акцыі і дзяржаўныя аблігацыі РФ пайшлі на дно

Падзенне на рынку расейскай дзяржаўнай запазычанасці - рэкорднае з лета.

Закон аб санкцыях, унесены ў сэнат ЗША рэспубліканцам Ліндсі Грэмам і дэмакратам Бобам Менэндэсам, прайшоўся катком па коштах расейскіх актываў на маскоўскай біржы, піша finanz.ru.

Пазыковыя паперы ўрада РФ патаннелі рэкордна з лета мінулага года на фоне продажаў нерэзідэнтаў, якім санкцыйны праект павінен забараніць інвеставаць у расейскую дзяржаўную завінавачанасць.

15-гадовыя аблігацыі федэральнай пазыкі падалі аднамомантава больш як на 1,5%, а 14-гадовыя АФЗ 26224 - больш як 2% са стратамі, якія перавышаюць падзенне красавіка мінулага года, калі пад санкцыямі апынуўся «Русал».

Да 14.37 індэкс коштаў АФЗ (RGBI) упаў на 0,81 пункта - рэкордную велічыню з 18 чэрвеня.

Кампаніі, якія ўваходзяць у індэкс РТС ,сумарна патаннелі на 4,3 млрд даляраў. Гонку ўніз ўзначалілі акцыі дзяржбанкаў, якія, згодна з законапраектам Грэма-Менэндэса, павінны апынуцца пад санкцыямі за дзеянні, якія падтрымліваюць намаганні расейскага кіраўніцтва падрыву дэмакратычных інстытутаў у іншых краінах.

Акцыі Сбербанка ўпалі на 3,31%, адрэзаўшы ад яго капіталізацыі 100 мільярдаў рублёў за 4 гадзіны.

Паперы ВТБ спікіравалі на 2,1% на фоне запэўненняў Андрэя Косціна аб тым, што банк мае план дзеянняў на выпадак амерыканскіх санкцый.

Кошт страхоўкі ад дэфолту Расеі - інструмента, які ацэньвае рызыкі інвеставання ў актывы РФ - падскочылі на 6 базісных пунктаў да месячнага максімуму 146 Б.П.

Следам па нахільнай пакаціўся рубель: насуперак скачку кошту нафты, упершыню за 3 месяцы наблізіўся да адзнакі 65 даляраў за барэль Brent, курс даляра дадаў яшчэ 50 капеек пасля росту на 63 капейкі напярэдадні і перавысіў адзнаку 67 рублёў упершыню за месяц.

Еўра абнавіў двухтыднёвы максімум - 75,42 рубля.

У мінулым годзе нерэзідэнты вывелі амаль 10 млрд даляраў з расейскіх аблігацый, агульны адток капіталу перавысіў 67 млрд даляраў і стаў рэкордным з 2014 года, а пачынаючы з лета замежны бізнэс пачаў забіраць грошы з рэальнага сектара эканомікі: за трэці і чацвёрты квартал дырэктыўныя замежныя інвестыцыі скараціліся на 6,5 млрд даляраў.

Законапраект пакуль не атрымаў ухвалы ў Кангрэсе ЗША, і на гэта можа сысці некалькі месяцаў. Тым не менш, новы варыянт прапанаваных санкцый быў больш жорсткі, чым прагназавалася, прадаўжае Саснова: гэта можа стаць сур'ёзнай падставай да значнага падзення рубля да адзнакі 70-75 за даляр.

«Расейскі фондавы рынак таксама можа абрынуцца на 5-10% найбліжэйшыя месяцы», - папярэджвае экспэрт.