Беларусы змогуць здаваць іспыт на пасведчанне кіроўцы на «аўтамаце»

Якія змены закрануць беларускіх кіроўцаў.

Андрэй Мелех, начальнік аддзялення міжраённага экзаменацыйнага аддзела ДАІ ГУУС Менгарвыканкама, падзяліўся інфармацыяй пра змены, якія неўзабаве закрануць беларускіх кіроўцаў, піша «Минск-новости». Ён таксама адзначыў, што цяпер запатрабаванасць аўташкол знізілася: такога ажыятажу, які быў у 2011 годзе, няма. Тады ў парадку абмену беларусам выдалі 94 115 пасведчанняў, але ў 2018-м паказчык знізіўся да 47 194. А бестэрміновае пасведчанне кіроўцы за мяжой не дзейнічае - толькі на тэрыторыі Беларусі.

Што будзе з пасведчаннямі старога ўзору

На думку Мэлеха, пасведчанне старога ўзору лёгка можна падрабіць. Кантраляваць, ці ўсе кіроўцы прайшлі медыцынскі агляд па-новаму, немагчыма. А гэта павялічвае колькасць ДТЗ: людзі атрымлівалі пасведчанні старога ўзору дзясяткі гадоў таму, за гэты час іх здароўе магло стаць горшым. Пастанова Дзяржаўтаінспекцыі - не забараняе, а дазваляе і далей выкарыстоўваць пасведчанне старога ўзору. Але павінна выконвацца ўмова: кіроўцам пры сабе трэба мець дзейсную медыцынскую даведку.

Беларусы атрымаюць міжнародныя пасведчанні кіроўцаў?

Мелех падзяліўся сваімі надзеямі, што сёлета іх пачнуць выдаваць. Гэта стане прыемным бонусам для беларусаў: міжнароднае пасведчанне дапаможа без праблем ездзіць на аўтамабілі або арандаваць машыну за мяжой.

Экзамен з каробкай-аўтаматам у ДАІ - праўда?

Мелех падкрэсліў, што ў хуткай будучыні беларусы змогуць здаваць экзамен у ДАІ на аўтамабілях з каробкай-аўтаматам - пасля праходжання падрыхтоўкі. Але гэта запатрабуе адзнакі ў пасведчанні кіроўцы. Там будзе паказаная «неабходнасць кіравання транспартным сродкам толькі з аўтаматычнай трансмісіяй». Калі гэта стане магчымым заўтра, у ДАІ да гэтага ўжо гатовыя.

Экзамен у ДАІ паводле запісу

Мелех пацвердзіў той факт, што з красавіка 2018-га на экзамен у ДАІ можна прыйсці паводле папярэдняга запісу. Як правіла, гэтым карыстаюцца выпускнікі аўташкол, якім не пашанцавала здаць экзамен з першага разу. Так, кожны прыходзіць у прызначаны час, садзіцца ў машыну і з'яжджае з інструктарам. Праблема з доўгім чаканнем сваёй чаргі развязаная.