На матч БАТЭ - «Арсенал» прададзеныя 10 тысяч квіткоў

Гульня адбудзецца 14 лютага на «Барысаў-Арэне» а 20:55.

Прадаўжаецца рэалізацыя квіткоў на матч 1/16 фіналу Лігі Еўропы БАТЭ - «Арсенал».

У клубе паведамляюць, што з улікам продажу і заявак на матч БАТЭ - «Арсенал» рэалізаваныя ўжо 10 тысяч квіткоў. Пра гэта піша tribuna.com.

Нагадаем, што мінімальны кошт квіткоў на матч - 50 рублёў, максімальны - 110. Набыць квіткі можна на сайце Ticketpro, у офісе кампаніі і на «Барысаў-Арэне».

Гульня адбудзецца 14 лютага на «Барысаў-Арэне». Пачатак матчу а 20:55. Стадыён змяшчае 13 126 гледачоў.