Лукашэнка прызначыў новых паслоў у Гішпаніі ды Польшчы
4- 12.02.2019, 11:47
- 14,501
Дыктатар правёў перастаноўкі ў дыпламатычнай службе.
Лукашэнка сёння прызначыў новых паслоў, паведамляе БелТА.
Надзвычайным і Паўнамоцным Паслом Беларусі ў Каралеўстве Гішпанія і ў сумяшчальніцтве сталым прадстаўніком Беларусі пры Сусветнай турысцкай арганізацыі прызначаны Павел Пуставы.
Надзвычайным і Паўнамоцным Паслом Беларусі ў Польшчы прызначаны Уладзімір Чушаў.
Акрамя таго, Надзвычайны і Паўнамоцны Пасол Беларусі ў Аўстрыі, пастаянны прадстаўнік Беларусі пры міжнародных арганізацыях у Вене Алена Купчына будзе таксама прадстаўляць інтарэсы краіны ў Славеніі, у АБСЕ.
Пашырана сфера адказнасці Надзвычайнага і Паўнамоцнага Пасла Беларусі ў Вугоршчыне і ў сумяшчальніцтве ў Босніі і Герцагавіне Аляксандра Панамарова і Надзвычайнага і Паўнамоцнага Пасла Беларусі ў Японіі Руслана Ясіна.
Першы прызначаны паслом у сумяшчальніцтве ў Харватыі, другі - у сумяшчальніцтве ў Аўстраліі і Новай Зеландыі.