Пампея: ЗША гатовыя накіраваць народу Венесуэлы гуманітарную дапамогу
3- 24.01.2019, 20:51
- 9,853
ЗША гатовыя забяспечыць гуманітарную дапамогу на суму больш як $20 млн.
Дзяржсакратар ЗША Майк Пампея заявіў, што Вашынгтон гатовы аказаць народу Венесуэлы гуманітарную дапамогу.
Пра гэта паведамляе Интерфакс-Украина.
«Мы гатовыя накіраваць народу Венесуэлы гуманітарную дапамогу, як толькі гэта будзе магчыма з пункту гледжання лагістыкі», - сказаў ён.
Са слоў Пампея, ЗША гатовыя забяспечыць гуманітарную дапамогу на суму больш як $20 млн.
«Гэтыя сродкі дазволяць пераадолець вельмi жорсткую сітуацыю з забеспячэннем прадуктамі харчавання і медыкаментамі», - адзначыў ён.
Пасля гэтага, 21 студзеня, у Каракасе група вайскоўцаў запатрабавала адхіліць яго ад улады і заклікала грамадзян краіны далучыцца да паўстання.
Урадавыя войскі затрымалі мяцежнікаў, аднак пратэсты іх прыхільнікаў працягваюцца.
Спікер апазіцыйнай Нацыянальнай асамблеі Венесуэлы Хуан Гуаідо абвясціў сябе «выканаўцам абавязку прэзідэнта». Дзярждэп ЗША заклікаў Мадура неадкладна перадаць яму свае паўнамоцтвы.
Заходнія дэмакратыі адмовіліся прызнаваць уладу Мадура.
