Мечыслаў Грыб арганізуе сустрэчу дэпутатаў Вярхоўнага Савета 12-га склікання
11- 24.01.2019, 19:05
- 17,035
Сустрэча запланаваная на 9 лютага.
У рэдакцыю газеты «Народная Воля» паступіў ліст старшыні Вярхоўнага Савета Рэспублікі Беларусь 12-га склікання Мечыслава Грыба (падпісанта першай Канстытуцыі незалежнай Беларусі). На даручэнне арганізацыйнага камітэта ён звяртаецца да былых калегаў па парламенце. Прыводзім тэкст звароту:
«Паважаныя калегі!
Набліжаецца гістарычная дата - чвэрць стагоддзя з таго дня, калі Вярхоўны Савет Беларусі 12-га склікання пасля доўгіх і надзвычай напружаных дэбатаў прыняў першую Канстытуцыю незалежнай Беларусі. З кожным годам мы ўсё больш зразумела ўсведамляем, наколькі важна, каб краіна і ўсе яе грамадзяне шанавалі сваю Канстытуцыю, жылі паводле Асноўнага закона дзяржавы. Толькі ў такім выпадку мы дасягнем росквіту Радзімы, будзем адчуваць сябе шчаслівымі ў роднай Беларусі.
Каб убачыцца, падзяліцца ўспамінамі і ўражаннямі пра тыя знамянальныя днях, разам паразважаць пра сённяшні нашым жыццё-быццё, мы прапануем дэпутатам Вярхоўнага Савета Рэспублікі Беларусь 12-га склікання сустрэцца 9 лютага а 12.00 у Менскім міжнародным адукацыйным цэнтры (праспект газеты «Праўда», 11 ; станцыя метро «Пятроўшчына»).
Мы былі б вельмі ўдзячныя, калі б вы загадзя паведамілі пра магчымасць узяць удзел у нашай сустрэчы па тэлефонах: 8-029-641-83-73; 242-50-09 або па электроннай пошце [email protected]».