«Лісты шчасця» знаходзяць і тых, хто з'ехаў за мяжу
15- 24.01.2019, 14:10
- 24,617
Еўрапейцы ў шоку ад таго, як можа дзяржава патрабаваць з беспрацоўнага 100% платы за кватэру ці нейкі падатак.
Непрацуючыя ўладальнікі жылля ў Бярозе з сярэдзіны студзеня пачалі атрымліваць так званыя «лісты шчасця» з раённага выканаўчага камітэта, паведамляе «письма счастья» из районного исполнительного комитета, передает «Радыё Рацыя».
У лістах патрабуецца довад таго, што беспрацоўны мае апраўданне, каб не ўважацца за «дармаеда» і не плаціць 100% за камунальныя паслугі з 1-га лютага.
Не абмінулі такія лісты і тых, хто жыве за мяжой, але мае тут нерухомасць, кажа ўраджэнка Бярозы Ірына:
- Калі я неяк не давяду, што працую ці вучуся за мяжой, то буду абавязаная плаціць 100% за камунальныя паслугі. Гэта даволі шмат, бо кватэра вялікая. Таму цяпер давядзецца даводзіць, што я працую за мяжой і чаму з'яўляюся «дармаедам» у Беларусі. Я выйшла замуж і прыехала з мужам, каб пазнаёміць яго з Беларуссю. І вось так мяне ўсцешыла мая Радзіма!
Са слоў Ірыны, муж-еўрапеец да канца так і не зразумеў, як можа дзяржава патрабаваць з непрацуючага 100% платы за кватэру ці нейкі падатак. У ягонай дзяржаве беспрацоўным плацяць шчодрую дапамогу, каб чалавек нармальна жыў, пакуль шукае працу.