Дэмакратаў у ЗША цікавяць бізнэс сувязі Трампа з Deutsche Bank

З атрыманнем большасці ў Палаце прадстаўнікоў дэмакраты ўзмоцняць націск на нямецкі банк.

Дэмакраты ў ЗША, пасля атрымання большасці ў Палаце прадстаўнікоў Кангрэса, маюць намер расследаваць бізнэс стасункі прэзідэнта ЗША Дональда Трампа з Deutsche Bank. З гэтай мэтай кіраўнікі камітэтаў палаты ў фінансах і выведцы Максін Уотэрс і Адам Шыф аб'яднаюць намаганні.

"Мы будзем супрацоўнічаць", - сказаў Шыф у інтэрв'ю амерыканскаму выданню Politico, паведамляе dw.com.

Прадстаўнік Deutsche Bank у інтэрв'ю dpa заявіў, што банк сур'ёзна ставіцца да сваіх прававым абавязанняў і ўважае за свой абавязкі і надалей супрацоўнічаць з уладамі пры правядзенні законных расследаванняў. Да гэтага часу Deutsche Bank адмаўляўся выдаваць інфармацыю аб бізнэс сувязях з Трампам, спасылаючыся на банкаўскую таямніцу і амерыканскае заканадаўства, якое забараняе выдаваць такія звесткі.

Кангрэсмэны-дэмакраты ўжо даўно патрабуюць расследаваць бізнэс сувязі Трампа з Deutsche Bank, а таксама яго магчымыя кантакты з Расеяй. Дагэтуль іх ініцыятывы, аднак, адпрэчваліся, бо рэспубліканцы Дональда Трампа кантралявалі абедзве палаты Кангрэсу ЗША. Сітуацыя змянілася ў лістападзе 2018 года, калі дэмакратам удалося вярнуць большасць у Палаце прадстаўнікоў.

Самастойна ініцыяваць расследаванне

Цяпер дэмакраты маюць магчымасць самастойна ініцыяваць расследаванне сумнеўных фінансавых транзакцый Трампа. Deutsche Bank знаходзіцца ў цэнтры ўвагі, бо пэўны час ён уважаўся за асноўны банкам Трампа і перад выбраннем апошняга на пасаду прэзідэнта ЗША даваў яму вялікія крэдыты, адзначае агенцтва dpa.

Асаблівую цікавасць у дэмакратаў выклікае той факт, што гэтыя крэдыты выдаваліся Трампу ў той перыяд, калі многія банкі не жадалі мець спраў з магнатам у сферы нерухомасці, што пацярпелі ад шматлікіх банкруцтваў.

На фоне расследавання меркаваных сувязяў перадвыбарчага штаба Трампа з Расеяй дэмакратаў цікавяць таксама дэталі расейскага скандалу з адмываннем грошай, у які быў замешаны Deutsche Bank.