Названыя пяць вельмі карысных для здароўя сокаў
4- 23.01.2019, 14:14
- 18,493
Карыснасць гэтых сокаў пацвярджаецца звесткамі, атрыманымі ў навуковых даследаваннях.
Пра гэта піша сайт healthinfo.ua.
Таматны сок. Яго ўжыванне паляпшае псіхалагічныя і фізіялагічныя паказчыкі ў жанчын. У гэтым, напрыклад, змаглі пераканацца навукоўцы з Такійскага медыцынскага ўніверсітэта. Жанчыны, якія цягам двух месяцаў штодня выпівалі па 200 мл таматнага соку, прадэманстравалі істотнае памяншэнне трывожнасці і паляпшэнне частоты сардэчных скарачэнняў.
Журавінавы сок. Даследаванне амерыканскіх навукоўцаў паказала, што ў журавінавым соку ўтрымліваюцца алігацукрыды - гэтыя рэчывы робяць сок журавін «натуральным антыбіётыкам». Іншыя кампаненты соку, праантацыянідзіны, робяць яго вельмі карысным у плане абароны ад інфекцый мочапалавой сістэмы.
Бурачны сок. Гэты сок вельмі карысны для сэрцава-судзіннай сістэмы, зніжае ціск. Здольнасць бурачнага соку спрыяць нармалізацыі ціску ў гіпертонікаў пацвярджалася неаднаразова. Такую ўласцівасць буракоў і соку з іх навукоўцы звязваюць з утрыманнем неарганічных нітратаў, а таксама антыаксіданту беталаіну.
Вішнёвы сок. Даследнікі з Вялікай Брытаніі і ПАР знайшлі довады таго, што ўжыванне вішнёвага соку садзейнічае зніжэнню ўзроўню мачавой кіслаты ў крыві, што можа быць карысным для прафілактыкі падагры, і ў выпадку ўжо наяўнага захворвання таксама. Як паказалі эксперыменты, такі эфект дае ўжыванне дзвюх порцый вішнёвага соку на дзень.
Апельсінавы сок. Даследаванне навукоўцаў з Гарвардскага ўніверсітэта сведчыць: апельсінавы сок вельмі карысны ў справе прадухілення старэчага маразму. У мужчын-добраахвотнікаў, якія штодня выпівалі шклянку свежавыціснутага апельсінавага соку, імавернасць развіцця гэтай хваробы знізілася на 47%.